Abadepite bo muri Albania bo mu mashyaka atavuga rumwe n’ubutegetsi n’ishyaka riri ku butegetsi bahanganiye mu Nteko Ishinga Amategeko ku wa 22 Ukwakira 2026, nyuma yo kutumvikana ku cyifuzo cyo gushyira ku murongo w’ibyigwa ikibazo cy’imyigaragambyo y’abanyeshuri.
Amakimbirane yatangiye ubwo ubuyobozi bw’Inteko butemeraga icyifuzo cy’abatavuga rumwe n’ubutegetsi cyo kuganira ku myigaragambyo y’abanyeshuri yari imaze iminsi ibera muri icyo gihugu.
Mu gihe cy’izo mpaka, bamwe mu badepite barasunikanye, baterana ibintu ndetse bangiza ibikoresho byo mu Nteko, birimo mikoro. Imyitwarire yabo yahagaritse imirimo y’Inteko, ihindura inama isanzwe isibaniro ry’amakimbirane hagati y’impande zombi.
Abadepite batavuga rumwe n’ubutegetsi bazamuye amafoto y’abigaragambyaga bakomerekeye mu guhangana n’abapolisi, bagaragaza ko bashaka ko ikibazo cyabo cyigibwaho n’abagize Inteko.
Ibyabereye mu Nteko byabaye mu gihe umwuka wa politiki muri Albania wari ukomeje kuzamuka, ariko amakimbirane yo muri icyo gihe yari ashingiye ku kutumvikana ku byo Inteko yagombaga kuganiraho.
