U Bufaransa n’u Budage byumvikanye ku masezerano agamije kurinda no guteza imbere inganda zikora imodoka mu Burayi, mu gihe imodoka zikorerwa mu Bushinwa zikomeje kwiyongera ku isoko ry’uyu mugabane.
Aya masezerano aje mu gihe imodoka z’abashinwa zikomeje gufata umwanya munini ku isoko ry’u Burayi, ibintu bishobora gukomeza kongera igitutu ku bakora imodoka bo muri uyu mugabane.
Imibare igaragaza ko uruhare rw’imodoka zikorerwa mu Bushinwa ku isoko ry’u Burayi rwavuye kuri 5,7% mu gihembwe cya kabiri cya 2025, rugera kuri 10,7% mu gihembwe cya kabiri cya 2026.
Uko kwiyongera kw’iri janisha kugaragaza uburyo imodoka z’abashinwa zikomeje kwagura isoko ryazo mu Burayi, bikaba ari imwe mu mpamvu zituma ibihugu bikomeye mu gukora imodoka, birimo u Bufaransa n’u Budage, bishaka ingamba zo kurinda uru rwego rw’ubukungu.
Aya masezerano ntarahinduka itegeko, kuko agomba kubanza kwemezwa n’ibindi bihugu bigize Umuryango w’Ubumwe bw’u Burayi (EU) ndetse n’Inteko Ishinga Amategeko yawo kugira ngo ashyirwe mu bikorwa.
