Mu gihe isi yose yifatanyije n’u Rwanda kwibuka ku nshuro ya 32 Jenoside yakorewe Abatutsi mu mwaka wa 1994, Ubuyobozi bw’Akarere ka Gicumbi bwasabye abaturage kwirinde imvugo zihembera ingengabitekerezo ya jenoside.
Igikorwa cyo gutangiza icyunamo ku rwego rw’Akarere ka Gicumbi, cyatangirijwe ku rwibutso rwa Rutare, rushyinguyemo imibiri y’Abatutsi irenga 200.
Abaturage b’Umurenge wa Rutare n’ahandi hatandukanye bitabiriye ku bwinshi
Mu ijambo yagejeje ku bitabiriye uyu muhango, Umuyobozi w’Akarere ka Gicumbi, NZABONIMPA Emmanuel, yasabye abaturage b’Akarere ka Gicumbi kwirinda ingengabitekerezo ya Jenoside.
Yagize ati”Ndagira ngo nsabe abaturage b’Akarere ka Gicumbi kwirinda imvuga ziganisha ku ngengabitekerezo ya jenoside”.
Yakomeje kandi asaba abaturage gutanga amakuru ku wagaragaho imvugo zihembera ingengabitekerezo ya jenoside.
Ati”Munatange amakuru ku muntu wagaragaraho ingengabitekerezo ya jenoside”
Hacanwe urumuri rw’icyizere
Mu bindi biganiro byatanzwe, harimo uburyo abakoroni bagiye basenya ubumwe bw’abanyarwanda kugeza basenye ubutegetsi bwa cyami bagamije gucamo ibice abanyarwanda.
Kuri iyi inshuro ya 32 u Rwanda rwifatanya n’isi yose kwibuka Jenoside yakorewe Abatutsi, insanganyamatsiko y’uyu mwaka iragira iri”Kwibuka twiyubaka”.
