Inama y’Abaminisitiri yagize Prof. Muganga Raymond Umuyobozi Mukuru mushya w’Ikigo cy’Igihugu gishinzwe Kugenzura Ubuziranenge bw’Ibiribwa n’Imiti, Rwanda FDA.
Prof. Muganga asimbuye Prof. Emile Bienvenu, wari uyoboye Rwanda FDA, akaba ari gukurikiranwa n’ubutabera mu rubanza rufitanye isano n’ibyaha bivugwa ko bifitanye isano n’ibinyobwa bitemewe nibitujuje ubuziranenge.
Mu kwezi kwa Kanama 2026, RIB yari yatangaje ko Prof. Emile Bienvenu ari mu bantu bakurikiranwe muri uru rwego.
Muri izo mpinduka kandi, Dr. Munyampundu Jean Pierre yagizwe Umuyobozi Mukuru w’Ishami ry’Ibiribwa muri Rwanda FDA, mu gihe Dr. Kabandana Monia yagizwe Umuyobozi Mukuru w’Ishami rya Serivisi za Laboratwari.
Rwanda FDA ifite inshingano zo kugenzura ubuziranenge n’umutekano w’imiti, ibiribwa bitunganyijwe n’ibindi bicuruzwa bigengwa n’iki kigo, mu rwego rwo kurengera ubuzima rusange.
