Umunyamakuru Murindahabi Irene yasezeranye imbere y’amategeko n’umukunzi we Nikuze Liliane, mu muhango wabereye mu Murenge wa Gishari, mu Karere ka Rwamagana.
Uyu muhango wabaye kuri uyu wa Kabiri, tariki ya 11 Kanama 2026, witabirwa n’abantu batandukanye barimo ibyamamare mu myidagaduro nyarwanda nka Rocky Kimomo, Bruce Melodie na Chriss Eazy, ndetse n’abandi.
Mu muhango wo gusezerana, gufata amafoto cyangwa amashusho ntibyemewe ku bantu bose, uretse abari bahawe inshingano zo gukora ako kazi.
Gusezerana imbere y’amategeko ni indi ntambwe ikomeye aba bombi bateye mu rugendo rwabo rw’urukundo, mbere y’ubukwe bwabo buteganyijwe ku wa 15 Kanama 2026.
Tariki ya 16 Gicurasi 2026, ni bwo Murindahabi Irene yatangaje integuza y’ubukwe bwe na Nikuze Liliane, agaragaza ko bitegura gukora ubukwe kuri iyo tariki.
Ibirori by’ubukwe biteganyijwe ku wa Gatandatu, tariki ya 15 Kanama 2026, bikazaba bisoza urugendo rw’ibirori aba bombi bamaze iminsi bitegura.
