Umuhanzi w’Umunyatanzaniya Harmonize yahanwe n’ikigo BASATA kubera imyambarire yagaragaye mu mashusho y’indirimbo ye “Kudus”.
BASATA itangaza ko imyambarire y’umukobwa ugaragara muri ayo mashusho itubahirije amabwiriza agenga ibihangano n’imyidagaduro muri Tanzania.
Ni igihano cyarebweho n’umuyobozi w’amashusho, Director David Sanga, wagize uruhare mu ikorwa ry’iyo videwo.
Harmonize yategetswe gukuraho amashusho y’indirimbo “Kudus” ku mbuga nkoranyambaga ze, ndetse ahabwa n’igihe ntarengwa cyo kubahiriza icyo cyemezo.
BASATA yamutegetse gutanga ihazabu ya miliyoni 5 z’amashilingi ya Tanzania mu gihe cy’iminsi 14, nk’igihano kijyanye n’ibyagaragaye muri ayo mashusho.
Iki cyemezo cyongeye guteza impaka ku bijyanye n’imyambarire n’ibigaragara mu mashusho y’abahanzi bo muri Tanzania, aho inzego zibishinzwe zikomeje gusaba abahanzi n’abakora amashusho kubahiriza amabwiriza agenga imyidagaduro.
