Jorge Messi, se w’umukinnyi w’ikirangirire wa Argentina na Inter Miami, Lionel Messi, yitabye Imana afite imyaka 68.
Amakuru yemejwe n’ibitangazamakuru mpuzamahanga birimo Reuters na Associated Press, avuga ko Jorge Messi yapfiriye mu mujyi wa Rosario muri Argentina, nyuma y’igihe arwaye kandi ari gukurikiranwa n’abaganga.
Jorge Messi yari umuntu ukomeye cyane mu buzima no mu mwuga wa Lionel Messi. Yari umujyanama ndetse anahagarariye umuhungu we mu bintu bitandukanye by’umwuga, cyane cyane mu myaka ya mbere ya Lionel Messi muri ruhago.
Jorge yamuherekeje akiri muto ubwo yajyaga muri Barcelona, aho yatangiriye urugendo rwamugejeje ku rwego rwo kuba umwe mu bakinnyi bakomeye mu mateka y’umupira w’amaguru.
Mu gihe cy’Igikombe cy’Isi cya 2026, umuryango wa Messi wari waratangaje ko Jorge yari ari kwitabwaho n’abaganga kubera ikibazo cy’ubuzima, ariko ntiwigeze utangaza indwara yari arwaye, usaba ko ubuzima bwe bwubahwa.
Urupfu rwa Jorge Messi rwababaje cyane umuryango wa Messi ndetse n’abakunzi b’umupira w’amaguru ku Isi.
