Minisitiri w’Ubutegetsi bw’Igihugu, Habimana Dominique, ni umwe mu bashimiye Rayon Sports nyuma yo kwegukana igikombe cya CECAFA Kagame Cup 2026, itsinze Gor Mahia yo muri Kenya ibitego 2-1 ku mukino wa nyuma.
Minisitiri Habimana Dominique yifashishije konti ye ya X, ashimira Rayon Sports ku nsinzi yayihesheje ishema ndetse igakomeza kugumisha igikombe cya CECAFA Kagame Cup mu Rwanda.
“Oh Rayooon! Murakoze guha Abanyarwanda Umuganura, muduhesheje ishema twese mugumisha iki gikombe gifite izina twubaha hano iwacu. Mukomereze aho Rayon Sports! Guca ibyuma bizanye n’intsinzi ikomeye.”
Rayon Sports yegukanye iki gikombe nyuma yo gutsinda Gor Mahia ibitego 2-1 ku mukino wa nyuma, ikomeza kwandika amateka mashya mu irushanwa rya CECAFA Kagame cup.
